Top 1000
2026-yilda Buxoro xalqaro universitetiga Qozog‘istonning nufuzli oliy ta’lim muassasalari — Xo‘ja Ahmad Yassaviy nomidagi xalqaro qozoq-turk universiteti (TOP-1000) hamda Al-Farobiy nomidagi qozoq milliy universiteti (TOP-200) rektorlari tashrif buyurdi. Mehmonlar universitet rektori tomonidan tantanali kutib olinib, oliygohda yaratilgan zamonaviy shart-sharoitlar bilan yaqindan tanishdilar.
Tashrif doirasida ikki tomonlama hamkorlikni rivojlantirish, qo‘shma ta’lim dasturlarini yo‘lga qo‘yish, ilmiy-tadqiqot faoliyatini kengaytirish hamda akademik almashinuvni rivojlantirishga qaratilgan muhim memorandumlar imzolandi.
Al-Farobiy nomidagi qozoq milliy universiteti rektori Janseit Tuymebayev, shuningdek Xo‘ja Ahmad Yassaviy nomidagi xalqaro qozoq-turk universiteti rektori Janar Temirbekova tashrif davomida universitet infratuzilmasi, ta’lim jarayonlari va talabalar hayoti bilan tanishdilar. Mehmonlarga talabalar tomonidan milliy qadriyatlarimizni aks ettiruvchi «Navro‘z bayrami an’analari» dasturi namoyish etildi.
Muzokaralar yakunida tomonlar o‘rtasida strategik hamkorlikni mustahkamlashga qaratilgan memorandumlar imzolandi. Ushbu hujjatlar doirasida qo‘shma ta’lim dasturlari, ilmiy loyihalar hamda professor-o‘qituvchilar va talabalar almashinuvi yo‘lga qo‘yilishi rejalashtirilgan. Shuningdek, mehmonlarga «Buxoro xalqaro universiteti faxriy akademigi» unvoni tantanali ravishda topshirildi.
.043586cd43834d6bc983.jpg)
